Roboscratch 2023

Durante este curso a temática do programa Proxecta "Aprendo programando" foi "as persoas refuxiadas" , asunto especialmente relevante no noso colexio por ter recibido nos últimos meses un importante número de nenos e nenas procedentes de Ucraína. Na planificación dos retos tivemos en conta esta realidade e orientamos o traballo cara á produción de recursos que por unha banda permitiran que o alumnado coñecera a programación informática, e por outra banda resultara útil por estar conectado coas súas necesidades.

O proxecto "Roboscratch 2023" ten tres ámbitos de actuación:

• Programación, coa participación na inciativa "A hora do código" e o uso de Scratch como recurso para a introdución á programación.
• Robótica, co uso das placas mCore (mBot) e Micro:bit (exclusivamente en sexto nivel). Os conceptos tratados van desde o uso simple das placas ata proxectos máis complexos con elementos de construción metálicos e bloques, dispositivos electrónicos, sensores e actuadores.
• Colaboración, mediante a creación do "Club de robótica" organizamos obradoiros para achegar a robótica a outros grupos de nenas e nenos do colexio desde E. Infantil. O club tamén prestou recursos ás aulas para a integración da robótica como recurso educativo.

Scratch

Uso da plataforma Scratch para a introdución á programación. Creamos xogos para axudar ao alumnado migrante na aprendizaxe das linguas española e galega

mBot

Micro:bit

O noso club: Camiño do Mar

Dentro das actividades do "Club de robótica" organizamos obradoiros para achegar a robótica a outros grupos de nenas e nenos do colexio desde E. Infantil.
O club tamén prestou recursos ás aulas para a integración da robótica como recurso educativo.